Oorsig

Die Toerisme- en Bemarkingspan aan die NWU is leiers in die onderskeie velde. Gereelde kontak met industrie, navorsingsprojekte en konsultasies hou ons op die voorpunt5 van nuwe ontwikkelings wat u ook ʼn paar stappe voor die res sal hou. Na voltooiing van die drie-jaar-program, sal u in staat wees om ʼn toerisme-onderneming te bestuur en te bemark, of om op te tree as bemarker oor die algemeen. Dit is hier waar u in staat gestel word om u kreatiwiteit uit te leef in die daarstelling en ontwikkeling vanbemarkingsplanne en materiaal vir toerisme- en ander besighede.  

 

U sal onder andere leer om kreatiewe advertensies en media te ontwikkel om sodoende toeriste bewus te maak van u gastehuis of hotel. U sal ook leer hoe om u eie gastehuis te ontwikkel en te bestuur, om gebeurtenisse te bestuur, sowel as hoe om die natuur as toerisme-aantreklikheid te gebruik. Verskeie bemarkers, hoteleienaars en gebeurtenisbestuurders deel hul kennis en vaardighede met studente en ons besoek ook hul besighede.

 

Toelatingsvereistes

  •  APS van 24
  • Wiskunde vlak 3 (40% of meer) / Wiskunde Geletterdheid vlak 6 (70% of meer)
  • Addisionele vereistes as per Fakultiet se jaarboek/kalendar

 

Kampus

  • Potchefstroom [P]

Kwalifikasie

BCom Bemarking met Toerismebestuur

[Kwalifikasie 500182: Kurrikulum E357 P]

Loopbaangeleenthede

Hoewel hierdie kwalifikasie aan studente toegang tot die hele toerisme-industrie bied, is BCom-kwalifikasie gefokus op die bestuur van die industrie en besigheid. Dit bied spesifiek toegang tot die volgende loopbane:

  • Toerismebestuurders
  • Toerismebemarkers
  • Bemarkers
  • Navorsers
  • Dosente
  • konsultante
  • Gastehuisbestuurders
  • Wildplaasbestuurders en geleentheidbestuurders in beide private en openbare ondernemings  

Nagraadse studies

  • BCom Hons in Entrepreneurskap en Bemarking
  • BCom Hons in Bestuurswetenskappe met Ondernemingsbestuur
  • BCom Hons in Bemarking met Bemarkingsbestuur
  • BCom Hons in Publieke Administrasie
  • MCom in Sakebestuur
  • MCom in Bemarkingsbestuur
  • PhD in Bemarkingsbestuur
  • PhD in Sakebestuur
  • PhD in Publieke Administrasie

Sien die Nagraadse bladsy vir meer inligting.