Oorsig

Ons BCom Ekonomie en Internasionale Handel-kwalifikasie bied aan u die geleentheid om te spesialiseer in die wêreld van invoer en uitvoer, met ʼn fondasie in Ekonomie.

U sal die volgende leer:

  • Hoekom lande handel dryf
  • Handelsbelemmerings soos tariewe en kwotas
  • Die WHO, handelslokke en handelsbeleid
  • Suid-Afrika se internasionale handelsomgewing
  • Die rolspelers in ʼn uitvoertransaksie
  • Hoe die betaling en finansiering van invoer- en uitvoertransaksies werk
  • Wat INCOTERMS is
  • Handelsgeografie en handelsdata-analise om uitvoermarkte te identifiseer
  • Hoe om regoor die wêreld besigheid te doen

 

Die kwalifikasie bied spesialiskennis tesame met ʼn benadering wat nou verband hou met toepassing. Harde vaardighede sluit in die analise van handelsdatabasisse, die beraming van ekonomiese modelle, sowel as ʼn omvattende uitvoerprojek in die laaste semester van u derde jaar.

Toelatingsvereistes

  APS-telling van 24

  Wiskunde vlak 4 (50-59%)

  Voldoen nie aan die vereistes nie? Sien inligting oor die Uitgebreide Program hieronder

Afleweringspunte

  • Potchefstroom 
  • Vanderbijlpark

Kwalifikasie-opsies

  • BCom in Ekonomie en Internasionale Handel

Sien asseblief die jaarboek vir meer inligting 

 

Nagraadse studies

  • BCom Honneursgraad in Internasionale Handel
  • Meestersgraad- en PhD-programme in Internasionale Handel word ook aangebied 

Sien die Nagraadse blad vir meer inligting

 

Loopbaangeleenthede

  • Ekonoom
  • Ekonomiese konsultant
  • Invoer en uitvoer
  • Departement van Handel en Nywerheid, Suid-Afrikaanse Reserwebank, banke, finansieringsmaatskappye, uitvoerrade en vervoermaatskappye
  • Uitvoerkredietversekeraar
  • Vra ons oor die International Trade Institute of Southern Africa (ITRISA)

 

Uitgebreide bestuursprogramme

Oorsig

Die Uitgebreide Program sluit ʼn addisionele jaar van studie in wat die student se basiese kennis en vaardighede sal verbeter alvorens aanbeweeg word na meer gespesialiseerde studies in die latere jare van die programme. Verder het studente wat hierdie program volg ʼn baie groter geleentheid om sukses te behaal in hul studies, aangesien dit toegewyde ondersteuning bied aan studente wat hulp nodig het om die gaping te oorbrug tussen skool en hoër onderwys.

Toelatingsvereistes

  • APS 24
  • Wiskunde geletterdheid vlak 6 (70%)

Afleweringspunte

  • Vanderbijpark