Geoktrooieerde Rekenmeesterskap

Jou Pad na Uitnemendheid

Is jy gereed om ʼn reis aan te pak wat jou passie vir finansies in ʼn gesogte loopbaan omskep?

Die Geoktrooieerde Rekenmeester Suid-Afrika (ook bekend as GRSA)-benaming is aangewys as die nommer een Geoktrooieerde Rekenmeester-benaming in die wêreld. Dit is volgens ʼn onlangse studie deur Edelman DxI in samewerking met Geoktrooieerde Rekenmeesters Wêreldwyd (GRW).

Noordwes-Universiteit bied ʼn wêreldklas Geoktrooieerde Rekeningkunde-program om jou voor te berei vir een van die mees gerespekteerde globale rekeningkundige benamings. Die BCom Geoktrooieerde Rekenmeestersprogram, geakkrediteer deur die Suid-Afrikaanse Instituut vir Geoktrooieerde Rekenmeesters (SAIGR), berei jou voor vir plaaslike en internasionale leierskaprolle.

Enkele voorbeelde van tipiese take sluit in:

  • Gebruik data-analise vir finansiële insigte en besluitneming.
  • Integreer die nuutste finansiële sagteware en hulpmiddels, gebruik tegnologie om prosesse te stroomlyn en besluitneming te verbeter.
  • Werk saam met multinasionale maatskappye, bestuur oorgrenstransaksies en navigeer deur uiteenlopende finansiële regulasies, om ʼn globale perspektief te verkry.
  • Bestuur finansiële prestasie deur voorspellings, begrotings en strategiese planne te skep wat die groei van ʼn organisasie direk beïnvloed.
  • Handhaaf etiese standaarde en regulatoriese nakoming binne organisasies, wat verseker dat hulle met integriteit en deursigtigheid funksioneer.
  • Wees jou eie baas deur die besigheid van jou keuse op te rig en te bestuur.
  • Oudit rekeninge en lug ʼn mening oor die regverdigheid van finansiële state.
  • Stel finansiële state op in ooreenstemming met rekeningkundige standaarde.
  • Doen aan belanghebbers verslag oor finansiële prestasie.
  • Gee klas by ʼn universiteit of lei rekeningkundiges op.

Die keuse van die NWU se Geoktrooieerde Rekeningkunde-program is jou eerste stap na ʼn lonende en impakvolle loopbaan.

Kernvakke 

  • Bedryfswetenskappe
  • Finansiële Rekeningkunde
  • Finansiële Bestuur
  • Korporatiewe bestuur, Etiek, Oudit en Risiko
  • Bestuursrekeningkunde
  • Belasting

 

Graadopsies

BCom in Geoktrooieerde Rekeningkunde

  • Duur van Graad: 3 jaar, voltyds 
  • Word op die  Potchefstroom [P],  Mahikeng [M] & Vanderbijlpark [V] kampusse aangebied
  • Kurrikulumkode: 5FDH01

 

BCom in Geoktrooieerde Rekeningkunde - Uitgebreide Program

  • Duur van Graad: 4 jaar, voltyds
  • Word op die Mahikeng [M] & Vanderbijlpark [V] kampusse aangebied
  • Kurrikulumkode: 5XAH01

 

Toelatingsvereistes

BCom in Geoktrooieerde Rekeningkunde

  • APS: 32
  • Wiskunde: Vlak 5 (60%)
  • Taal van studie op kampus van aansoek vlak 4 (50-59%)

BCom in Geoktrooieerde Rekeningkunde - Uitgebreide Program

  • APS: 28
  • Wiskunde: Vlak 3 (40%)
  • Engels: Vlak 4 (50%)

Professionele liggame

South African Institute of Chartered Accountants (SAICA)

Vir meer inligting, besoek hul webwerf:

https://www.saica.co.za/

Word ook erken deur:

Association of Chartered Certified Accountants (ACCA)

Die BCom Geoktrooieerde Rekenmeesterskap graad gee studente die geleentheid om vrystellings te verkry vir nege fondasie vlak eksamens vanaf ACCA.

https://www.accaglobal.com/africa/en.html

 

Word ook erken deur:

South African Institute of Tax Professionals (SAIT)

Vir meer inligting, besoek hul webwerf:

http://www.thesait.org.za/

 SAIT

Word ook erken deur:

Chartered Institute of Management Accountants (CIMA)

Vir meer inligting, besoek hul webwerf:

http://www.cimaglobal.com/

 CIMA

Let wel: studente wat die drie-jaar-BCom Gr-graad en ʼn SAICA-opleidingskontrak suksesvol voltooi (sonder die suksesvolle voltooiing van die CTA), kan ook ʼn SAICA-lid word as Associate General Accountant (AGA) eerder as ʼn geoktrooieerde rekenmeester (CA(SA).

Loopbaanmoontlikhede

GR is ʼn uitsonderlik diverse kwalifikasies met verskeie loopbaangeleenthede. Daar is baie opsies, bv. openbare praktyk (ouditfirmas), die korporatiewe omgewing (werk vir ʼn maatskappy), die openbare sektor (werk vir die regering), jou eie besigheid of die akademie. Hoewel daar verskeie ander opsies is, werk meeste van ons graduandi vir die sogenaamde ‘Groot 4’-firmas, naamlik Deloitte, EY, KPMG en PWC. As ʼn GR kan jy, onder andere, enige van die volgende loopbane volg:                                  

  • Ouditeur
  • Belastingspesialis
  • Finansiële bestuurder
  • Besigheidskonsultant
  • Rekenaar-ouditeur
  • Korporatiewe finansies-spesialis
  • Gestruktureerde finansies-spesialis
  • Entrepreneur
  • Akademiese-/opleidingsverskaffer

Nagraadse Studies

Nagraadse studies in Geoktrooieerde Rekenmeesterskap sluit in:

  • BCom Honneurs
  • MCom 
  • Phd

Die nagraadse studies word aangebied op 

  • Potchefstroom [P]
  • Vanderbijlpark [V]

Laai die honneursbrosjure hier af.

 

Jaarboek